जीव हा तुझ्यात माझा गुंतला ....

जीव हा तुझ्यात माझा गुंतला ....

जीव हा तुझ्यात गुंतला,
प्राण हा तुझ्यात संपला,
नवी ही जुनी ही ओळख आपली,
जी मी नव्याने अजुनी जपली,
आज ही सडा हा अंगणी फुलला,
जीव हा तुझ्यात माझा गुंतला ।।

कधी तू , दूर अशी , पास अशी,
कधी तू , ये जवळी, या वेळी,
रात दिन तू माझ्या मनी,
पहाटेच्या दवा समयी,
तुज पाहण्या दिस नवा उजाडला,
जीव हा तुझ्यात माझा गुंतला ।।

मन हे वेडे झुलत जाते,
माझ्या मनी या खुलत जाते,
तुझ्याच साठी माझ्याच साठी,
तारे आले या चांदण राती,
तुझ्यात माझा माझ्यात तुझा,
जीव हा अपुला अडकला,
जीव हा तुझ्यात माझा गुंतला ।।

- शुभम मोहिते ( एस. एम. ) 😘